जनकपुर, २६ चैत । प्रधानमन्त्री केपी शर्मा ओलीले नेपालमा रेल चलाउने कुरा गर्दा विरोध गर्नेहरूलाई सित्तैमा रेल चढाइदिने भनेको छ ।
आफूले नेपालमा रेल चलाउने कुरा गर्दा मजाकको विषय बनाइएको स्मरण उनले गरे । आज मंगलवार मधेश प्रदेश सभालाई सम्बोधन गर्दै ओलीले भने, ‘मैले रेलको कुरा गर्दा मानिसहरूले मजाक उडाएका थिए ।
तर जनकपुर आएर मैले आफैंले टिकट काटेर रेल चढेँ । मैले साथीहरूलाई भनेको थिएँ, जोजोले विरोध गर्नुहुन्छ, जनकपुरमा फ्रिमा एकपल्ट कुदाइदिउँला भनेको कोही पनि आएन फ्रिमा कुद्न ।
’ विगतमा जनकपुर–जयनगर रेल चलेर लामो समयसम्म बन्द भएको तर अघिल्लोपटक आफूले सरकारको नेतृत्व गरेको उनले बताए । रेल निर्माण गर्न लगाएर, रेल किनेर फेरि सञ्चालन गर्न थाल्यौं । त्यसले जनतालाई छिटो, सस्तो सुविधा पुगेको छ ।
सुरुसुरुमा नयाँ कुरा गर्दा कसैले नपत्याउनु स्वाभाविक भएको उनले बताएको हो । आत्मविश्वास नभएको व्यक्तिले कुरा काट्ने गरेको बताएको छ । मान्छेले कुरा काट्छ, विश्वास गर्दैन, पत्याउँदैन । हुँदैन, सकिँदैन भन्छ । आत्मविश्वास छैन भने सकिँदैन ।
