काठमाडौं, १४ चैत । ललितपुरको महालक्ष्मी नगरपालिका ४ ओचु हाइटमा एक युवकको हत्या भएको छ ।
गएराति करिब ११ बजेतिर रामेछाप घर भएका २५ वर्षीय दीपक रसाइलीले ३० रामेछाप नै घर भएका रिपक खातीलाई खुकुरी प्रहार गरेर हत्या गरेको प्रहरीले जनाएको छ ।
हत्या आरोपीलाई प्रहरीले पक्राउ गरेर अनुसन्धान अगाडी बढाएको छ । प्रहरीका अनुसार उनीहरुबीच केटी जिस्काएको विषयमा विवाद थियो, सोही सन्दर्भमा हत्या भएको देखिन्छ ।
हत्या आरोपी दीपक रसाइलीलाई राति नै नियन्त्रणमा लिएर अनुसन्धान थालिएको ललितपुर प्रहरी परिसरका एसएसपी श्यामकृष्ण अधिकारीले जानकारी दिए ।
