जनकपुर, ५ चैत । जनकपुर उपमहानगरपालिकाले नगर भित्रका भएका निजी विद्यालयहरुलाई अगामी शैक्षिक सत्र २०८२ का लागि शुल्क निर्धारण गर्न परिपत्र जारी गरेको छ ।
उपमहानगरपालिकाका शिक्षा तथा खेलकुद विकास शाखा प्रमुख धिरेन्द्र लाल कर्णले मंगलवार परिपत्र जारी गर्दै अगामी शैक्षिक सत्रका लागि विद्यालयले लागु गर्ने शुल्क प्रस्ताव विद्यालय व्यवस्थापन समितिबाट निर्णय गराई १५ दिन भित्र पेश गर्न आग्रह गरेका छन ।
चालु आर्थिक वर्षमा कक्षा ११÷१२को शुल्को विषयमा व्यापक विवाद भएको थियो । जनकपुर उपमहानगरले छात्रवृतिमा पठाएको विद्यार्थीहरु संग पनि शुल्क असुली गरेको भन्दै विद्यार्थी संगठनले विरोध गरेका थिए ।
