जनकपुर, ४ चैत । धनुषाको सबैला नगरपालिका–९ भठिहनमा चोकको नामकरण विवादले उग्ररूप लिँदा स्थिति तनावपूर्ण बनेपछि प्रहरीले गोली चलाएको छ ।
प्रहरीको गोली लागेर २२ वर्षका सन्तोष यादव घाइते भएका छन् । झडपमा अन्य दुई जना समेत घाइते भएका छन् । उनलाई उपचारका लागि प्रादेशिक अस्पताल जनकपुरमा भईरहेको छ ।
चोकको नाम ‘यादव चोक’ राखिएपछि अर्को पक्ष विरोधमा उत्रिँदा विवाद भएको थियो । आइतबार नै दुई पक्षबीच झडप भएको थियो जसलाई नियत्रण गर्न प्रहरीले अश्रुग्यास प्रहार गरेका थिए । स्थानीयका अनुसार प्रहरीले दुई राउण्ड गोली चलाएको छ ।
