सिरहा, २९ फागुन । सिरहाको मिर्चैयास्थित ईलाका प्रहरी कार्यालयबाट एक थुनुवा फरार भएका छन् ।
फरार हुनेमा अर्नमा गाउँपालिकाका असलम मन्सुरी रहेका छन् ।
विहिवार साँझ असलम फरार भएको जिल्ला प्रहरी कार्यालय सिरहाका प्रहरी प्रवक्ता डिएसपी बिरेन्द्र पासवानले जानकारी दिए ।
पासवानका अनुसार असलम अभद्र व्यवहार मुद्दामा पक्राउ परेका थिए ।
प्रहरी हिरासतबाटै थुनुवा असलम कसरी फरार भएको विषयमा डिएसपी पासवानले खुलाउन चाहेनन् ।
खोजी कार्य भइरहेको प्रहरीले जानकारी दिएका छन ।
