जनकपुर, १३ पौस । धनुषा जिल्लाको बिदेह नगरपालिकामा बिहीबार नेकपा एमालेको धनुषा क्षेत्रीय कमिटी २ क द्वारा आयोजित बृहत जनसभा र पार्टी प्रवेश कार्यक्रममा नेकपा एमालेका केन्द्रीय सल्लाहकार परिषद सदस्य संतोष यादवले मधेशमा आफ्नो भूमिकाबारे टिप्पणी गर्दै भने, “जनता समाजवादी पार्टी नेपालका अध्यक्ष उपेन्द्र यादवले मधेशमा महत्वपूर्ण स्थान हासिल गरे पनि उनले मधेशको इज्जतलाई बेचेर अहिले पार्टी टुक्रा–टुक्रा पारेका छन् ।
उनले आफ्नो अनुभव साझा गर्दै भने, “मैले नेपाली कांग्रेसमा हुँदा पार्टीलाई जनतामुखी बनाउनका लागि धेरै संघर्ष गरें, तर पछि मैले कांग्रेस छोड्नु परेको थियो ।
अहिले नेकपा एमालेमा सामेल भएको छु र यहाँ मैले राम्रो सम्मान र अवसरहरू पाएको छु । कार्यक्रममा सहभागीहरूलाई सम्बोधन गर्दै यादवले भने, “तपाईंहरूले पनि नेकपा एमालेमा सामेल भएर सम्मान र अवसर प्राप्त गर्नु हुनेछ ।
यहाँ सामेल भएका हजारौं नेता र कार्यकर्ताले विभिन्न दलहरूको परित्याग गरेर एमालेमा प्रवेश गरेका छन् ।
