जनकपुर, २१ मंसिर । धनुषा जिल्लामा एक महिलाको विभत्स हत्या भएको छ ।
धनुषाको विदेहनगर नगरपालिका–५ मुरिबा टोलीकी ४० वर्षीया रामपरी देव ठाकुरको शव बुधबार दिउँसो घरदेखि करीब डेढ किलोमिटर टाढा शिवनारायण मण्डलको खेतमा फेला परेको हो ।
हत्या भएको अवस्थामा उनको शरीर र टाउको अलग–अल्ग भेटिएको छ । शवको शरीर नग्न अवस्थामा थियो भने टाउकोको भाग कमला नदीको नहरमा फेला परेको थियो ।
दुरीका अनुसार, शरीर र टाउको भेटेको स्थानबाट केही समय अगाडि रगतको धारा बगेको पनि देखिएको थियो । प्रारम्भिक अनुसन्धान अनुसार, धारिलो हतियार प्रयोग गरेर उनको घाँटी छिनाएर हत्या गरिएको प्रहरीले जानकारी दिएका छन् ।
मृतक रामपरीका श्रीमान लामो समयदेखि वैदेशिक रोजगारीमा रहेका छन् । मृतकका कान्छो छोराले प्रहरीलाई जानकारी दिएको अनुसार, मंगबार अपराह्न रामपरी घाँस लिन चौरतिर गएकी थिइन् ।
अवेर साँझसम्म घर फर्कन नआएपछि परिवारजनले उनको खोजी सुरु गरे । तर, बिहीबार बिहान शव भेटिएको घटनाले सबैलाई स्तब्ध पारिदिएको छ ।
घटनापछि प्रहरीले संलग्नता भएको आशंकामा तीन जनालाई पक्राउ गरेको थियो । अहिले एकजनालाई हिरासतमा राखेर अनुसन्धान भइरहेको धनुषाका प्रहरी उपरीक्षक भुवनेश्वर तिवारीले जानकारी दिए ।
