सर्लाही, १० असोज । सर्लाहीको हरिपुर्वा नगरपालिका ५ मा गोलीकाण्ड हुँदा २३ वर्षीया चित्रलेखा यादवको घटनास्थलमै मृत्यु भएको छ ।
यसै घटनामा उनका ५४ वर्षीय ससुरा घाइते भएका छन् । जिल्ला प्रहरी कार्यलयका डिएपी श्रेक्ष्ठ दीपक प्रहरीका अनुसार आज बिहान करिब पौने २ बजेतिर गोली लागेर चित्रलेखा यादवको मृत्यु भएको र उनका ससुराको वायाँ हातमा गोली लागेको छ ।
घाइते रामदिनेश रायको उपचार प्रादेशिक अस्पताल मलंगवामा भइरहेको छ । घटनामा संलग्न व्यक्तिको पहिचान भएको भए पनि प्रहरीले नाम सार्वजनिक गरेको छैन ।
डिएसपी दीपक श्रेष्ठले भनेका छन् कि प्रहरी टोली घटना स्थलमा पुगेको छ र खोजी कार्य जारी छ । घटनाको सन्दर्भमा चित्रलेखाका श्रीमान् एक महिना अघि मात्र कुवेतबाट फर्किएका थिए र परिवारमा झगडा भइरहेका थिए । प्रहरी चौकी हरिपुर्वाका अनुसार, मोटरसाइकलमा आएका दुई व्यक्तिहरूले गोली प्रहार गरेका थिए ।
घटनास्थलमा सानो हतियारको प्रयोग गरिएको र दुई राउण्ड खोका र एक राउण्ड मिस फायर भएको गोली फेला परेको छ । घटनामा संलग्न व्यक्तिको खोजीका लागि सीमा क्षेत्रमा प्रहरी परिचालन गरिएको छ ।
प्रहरी घटनाको पृष्ठभूमि बुझ्न र थप जानकारी संकलनमा जुटेको छ । गएराति एक्कासी एकजना साथीसँग मोटरसाइकलमा आएको र घरमा गोली प्रहारको घटना भएको प्रहरीले जनाएको छ ।
गोली हान्ने व्यक्ति चित्रलेखाकै श्रीमान् हुन् वा उनले अरु कसैलाई गोली हान्न लगाए भन्नेमा जिल्ला प्रहरी कार्यालयका प्रहरी अधिकृतहरु थप पुष्ट्याइँको प्रयासमा छन् ।
त्यसैले जिल्ला प्रहरी कार्यालयले चित्रलेखाका श्रीमानको नाम गोप्य राखेको जनाएको छ । मोटरसाइकलमा दुई जना व्यक्ति आएका रहेछन् अनि गोली हानेर मोटरसाइकल चढेर भागे,’ डिएसपी श्रेष्ठले भने, ‘घटनामा संलग्न व्यक्तिको पहिचान भइसके पनि पक्राउ नपरिसकेकाले नाम भने सार्वजनिक गरिएको छैन ।
तर प्रहरी चौकी हरिपुर्वाले भने चित्रलेखाका श्रीमानले नै श्रीमती र बुवालाई गोली हानेर फरार भएको टिपोट सार्वजनिक गरेको छ ।
घटनाबारे थाहा पाएपछि जिल्ला प्रहरी कार्यालय सर्लाहीबाट डिएसपी श्रेष्ठको नेतृत्वमा २० जनाको टोली आज बिहान घटनास्थल पुगेको थियो ।
