जनकपुर, २५ भदौ । धनुषामा मोटरसाइकलको ठक्करबाट एक बालिकाको मृत्यु भएको छ ।
क्षिरेश्वरनाथ नगरपालिका–७ महादेवमण्ठकी ७ वर्षीया रचना यादवको विद्यालयबाट घर फर्किने क्रममा दुर्घटनामा मृत्यु भएको छ ।
आज बिहान साढे ९ बजे दुर्गातुल्सी राष्ट्रिय आधारभूत विद्यालयबाट परीक्षा सकेर घर फर्किरहेकी रचनालाई तीव्र गतिमा आएको मोटरसाइकलले ठक्कर दिएको प्रहरीले जनएको छ । ठक्करबाट बालिकाको घटनास्थलमै मृत्यु भएको छ ।
ठक्कर दिने मोटरसाइकल चालक घटनापछि फरार रहेका छन् । फरार चालकको खोजी तीव्र रूपमा भइरहेको छ र बालिकाको शव पोष्टमार्टमका लागि प्रादेशिक अस्पताल जनकपुरमा पठाइएको इलाका प्रहरी कार्यालय सखुवा महेन्द्रनगरका प्रहरी निरीक्षक सोनुकुमार साहले जनाएको छ ।
