जनकपुर, १५ भादौं । जनता समाजवादी पार्टी, नेपालका अध्यक्ष उपेन्द्र यादवले कांग्रेस र कम्युनिष्टको भरमा अब देश चल्न नसक्ने बताएका छन ।
जसपा, नेपालको संगठन निर्माण अभियान अन्तर्गत शनिबार जनकपुरमा आयोजित अभिमुखिकरण कार्यक्रमलाई सम्बोन गर्दै अध्यक्ष यादवले कांग्रेस र कम्युनिष्ट मिलेर देशलाई बर्बाद पारेको आरोप लगाएका छन ।
बहुदलीय व्यवस्था आएको ३५ वर्षमा ३० वर्षभन्दा बढी समय कांग्रेस र कम्युनिष्ट मिलेर देश चलाएको भन्दै उनले विकासका हरेक सूचक ध्वस्त हुनुमा उनीहरू नै जिम्मे्वार रहेको अध्यक्ष यादबले बताएका छन ।
कांग्रेस तथा कम्युनिष्टहरुको शासनकालमा देशमा शिक्षा बर्बाद भएको छ, किसानहरु कृषि पेशाबाट पलायन भएर वैदेशिक रोजगारमा जान बाध्य भएका छन्, लाखौँ नेपाली नागरिकलाई रोजगारी दिएको उद्योग कलकारखाना ध्वस्त भएका छन्,’ अहिले पनि दलित समुदायको साथमा न्याय भएको छैन ।
अहिले पनि दलित, महिला, आदिवासी, जनजाति, मुस्लिम, थारु समुदायलाई यथोचित न्याय हुन सकेको छैन । अहिले पनि यो वर्ग राज्यबाट अपहेलित र अपमानित छ ।
अहिले पनि संघीय प्रणालीमा सुशासन छैन । मधेसको भूमिमा मधेसीकै शासन र प्रशासन हुनुपर्छ । यादवले भने, अध्यक्ष यादवले मधेस प्रदेशले प्राप्त गरेको उपलब्धि मात्र नभई देश नै संकटमा फस्ने खतरा समेत रहेको दाबी गरे ।
