हेटौंडा, १ भदौ । हेटौंडा उपमहानगरपालिका–९, स्थित धापमा मोटरसाइकलको ठक्करबाट ५ वर्षीय बालकको मृत्यु भएको छ ।
बागमती प्रदेश ०३–००५ प २४३ नम्बरको मोटरसाइकलले शनिबार दिउँसो २ः५० बजे ठक्कर दिँदा धापका ५ वर्षका शिवांश अर्यालको मृत्यु भएको जिल्ला प्रहरी कार्यालय मकवानपुरले जनाएको छ ।
ठक्करबाट गम्भीर घाइते शिवांशलाई उचारका लागि हेटौंडा अस्पताल ल्याएपछि चिकित्सकले मृत घोषणा गरेका थिए ।
मयुरधापबाट हेटौंडा बजारतर्फ आउँदै गरेको मोटरसाइकलले सडक छेउमा हिँडिरहेका बालकलाई ठक्कर दिएको जिल्ला प्रहरी कार्यालय मकवानपुरका प्रहरी निरीक्षक ओम पण्डितले बताए ।
ठक्कर दिने मोटरसाइकल चालक १८ वर्ष भन्दा कम उमेरको रहेको र हाल उनी प्रहरी प्रहरी हिरासतमा रहेका प्रहरीले बताएका छन ।
