काठमाडौं, १ भदौ । प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ ।
भेटमा सरकारले गरिरहेका काम र गर्नुपर्ने कामका विषयमा छलफल भएको प्रधानमन्त्रीको सचिवालयले जनाएको छ ।
प्रधानमन्त्री ओलीले भेटबारे फेसबुकमा लेखेका छन् शनिबार नेपाली कांग्रेसका सभापति, पूर्वप्रधानमन्त्री, शेरबहादुर देउवाजीसँग कुराकानी भयो । केही जानकारी आदानप्रदान, केही राजनीतिक विमर्श भए ।
सरकारले गरिरहेका र गर्नुपर्ने कामका विषयमा पनि कुरा भए ।
