जनकपुर, २८ साउन । मधेश प्रदेशको मन्त्रिपरिषद् २० सदस्यीय पु¥याएको विरोधमा जनकपुरधामस्थित मुख्यमन्त्री कार्यालयअगाडि जसपा नेपालका युवा र विद्यार्थी संगठनले प्रदर्शन गरेका छन् ।
जसपा नेपालनिकट समाजवादी युवा संघ र समाजवादी विद्यार्थी यूनियनले सिटी जुलुस निकालेको छ । निषेधित क्षेत्र तोडेर मुख्यमन्त्री कार्यालयअगाडि पुगेका प्रदर्शनकारीले मधेश सरकारविरुद्ध नाराबाजी गरे ।
निषेधित क्षेत्र तोड्ने क्रममा प्रदर्शनकारी र सुरक्षाकर्मीबीच झडपसमेत भएको थियो ।
प्रदर्शनकारीले मुख्यमन्त्री सतिशकुमार सिंहले संघीयताको बदनाम गरेको भन्दै राजीनामाको पनि माग गरे । मधेशमा मुख्यमन्त्री तथा मन्त्रिपरिषद्को कार्यालयसहित १२ मन्त्रालय छ ।
