जनकपुर, २२ साउन । मंगलवार सिरहाको गोलबजारमा एक युवकको शव फेला परेको छ ।
गोलबजार नगरपालिका–१ वहिरीबाँध नजीकै रहेको ग्राभेल उत्खनन् गरेको खाल्डोमा अन्दाजी ३२ वर्षीय युवकको शव फेला परेको छ ।
मृतकको पहिचान खुल्न सकेको छैन । प्रहरीले मुचुल्का उठाएर पोष्ट मार्टमकोलागि प्रादेशिक अस्पताल लहान पठाएको छ ।
घटनामा संलग्न रहेको आशंकामा एक जनालाई नियन्त्रणमा लिएर अनुसन्धान गरिरहेको जिल्ला प्रहरी कार्यालय सिराहाले जनाएको छ ।
