जनकपुरधाम, २३ असार । आगामी आर्थिक वर्षको बजेट र रातो किताब संशोधनको माग गर्दै जसपा नेपालले मधेश प्रदेश सभा बैठक अवरुद्ध गरेको छ ।
बजेटमा छलफल गर्ने कार्यसूची रहेको प्रदेश सभा बैठकको सुरुमै जसपा नेपालका प्रदेश सांसद राजुप्रसाद गुप्ताले सरकारको आधिकारिक धारणा माग गरेका छन ।
उनले १६ गते चार दलले मुख्यमन्त्रीलाई तीन सूत्रीय मागसहित ध्यानाकर्षण पत्र बुझाउँदासमेत अहिलेसम्म सम्बोधन नभएकाले बैठक चल्न नदिने बताए ।
त्यसपछि सभामुख रामचन्द्र मण्डललेले गत शुक्रबारको बैठक अवरुद्धपछि विनियोजन विधेयक संशोधन गर्ने सहमति भइसकेको जानकारी गराउँदै बैठक चल्न दिन आग्रह गरेका थिए ।
तर सांसद गुप्ताले त्यस विषयमा छलफल भए मात्र बैठक चल्न दिने बताएपछि जसपाका सांसदहरू उठेर अवरोध गरेको छ भने पौने १ बजे स्थगित भएको बैठक एक घण्टा बित्दासम्म सुरु हुन सकेको छैन ।
