जनकपुरधाम, ४ बैशाख । जनमत पार्टीका सांसदहरूले रोस्ट्रम घेराउ गरेपछि मधेस प्रदेशसभाको बैठक स्थगित भएको छ ।
आफ्ना मन्त्री र सांसदहरुमाथि मगत माघ ८ गते सांघातिक हमला भएको भन्दै जनमतका सांसदहरूले छानबिन समिति बनाउन माग गर्दै रोस्ट्रम घेराउ गरेको थियो ।
मंगलबार मुख्यमन्त्री सरोजकुमार यादवले चौथोपटक विश्वासको मत लिने कार्यक्रम थियो । जसका लागि २ बजेका लागि बैठक बोलाइएको थियो । बैठकमा हमलाको संसदीय छानबिन समिति, रकमान्तरको छानबिन गर्न बनेको संसदिय समितिको प्रतिवेदन सार्वजनिक गर्नपर्ने जनमत पार्टीका प्रवक्ता एवं प्रदेश सांसद चन्दन सिंहले बताए ।
साथै, कार्यव्यवस्था परामर्श समितिको बैठक नै नबसी मंगलबार प्रदेश सभा बैठक बोलाएको भन्दै उनीहरूको आपत्ति जनाएका थिए । रोष्ट्रम घेराउपछि सभामुख रामचन्द्र मण्डलले प्रदेश सभाको बैठक १० मिनेटका लागि स्थगित भएको घोषणा गरेका थिए ।
