जनकपुरधाम, २३ चैत । सिरहामा पिकपको ठक्करबाट एक बालकको मृत्यु भएको छ ।
मृत्यु हुनेमा सिरहाको कल्याणपुर नगरपालिका ३ इटारी प्रसाही बस्ने सुरज साहका १० वर्षीय छोरा मन साहको छन् । प्र.२–० १००१च ०३७६ नम्बरको कुखुरा ओसारपसार गर्ने पिकपले ठक्कर दिँदा बालक गम्भीर घाइते भएका थिए ।
जिल्ला प्रहरी कार्यालय सिरहाका अनुसार घाईते बालकलाई उपचारको लागि प्रादेशिक अस्पताल सिरहा लग्ने क्रममा बाटोमा मृत्यु भएको छ ।
घटनापछि बालकको शव पोस्टमार्टमका लागि सिरहा अस्पतालमै राखिएको छ । ठक्कर दिने पिकप चालक फरार भएका छन् ।
