जनकपुरधाम, २० चैत । मधेश प्रदेश सरकारले बुधबारका लागि पूर्वनिर्धारित सार्वजनिक बिदा कायम नरहेको जनाएको छ ।
गृह, संचार तथा कानुन मन्त्रालयले मंगलबार एक सूचना जारी गर्दै राजपत्रमा प्रकाशित बिदा कायम नरहने जनाएको छ ।
मधेश प्रदेश सरकारले गत वर्ष चैत २० गते प्रदेश राजपत्र प्रकाशित गर्दा २०८० साल चैत २१ गते रामनवमीको लागि बिदा उल्लेख गरिएको थियो ।
तर रामनवमी पर्व २०८१ साल वैशाखमा पर्न गएको भन्दै भोलिको बिदा कायम नरहने मन्त्रालयका उपसचिव एवं प्रवक्ता उत्तमप्रसाद खरेलले बताए ।
