काठमाडौं, १८ चैत । नेपाली कांग्रेसका सभापति शेरबहादुर देउवाले अहिले कांग्रेस देशको ठूलो पार्टी भएको भन्दै अब बहुमत ल्याउन सक्ने पार्टीको रुपमा स्थापित गर्नुपर्ने बताएका छन् ।
मंगलादेवी सिंह फाउण्डेशनले आइतबार काठमाडौंमा आयोजना गरेको सम्मान कार्यक्रममा देउवाले समावेशी समानुपातिक निर्वाचन प्रणालीका कारण अहिलेको अवस्थामा कुनै एक पार्टीलाई बहुमत प्राप्त गर्न सहज नभएको उनले बताए ।
सभापति देउवाले अहिलेको संविधानले महिलालगायत सवै समुदायलाई समान अधिकार दिएकाले संसारका संविधानमध्ये उत्कृष्ट संविधान रहेको जिकिर गरे ।
कांग्रेस पूर्णरूपमा समावेशी पार्टी रहेको उनको जिकिर छ । कार्यक्रममा नेपाली महिला आन्दोलनमा महिला सशक्तिकरण, राजनैतिक चेतना एवं सामाजिक जागरण ल्याउने कार्यमा योगदान पु¥याउने महिलालाई सम्मान गरिएको थियो ।
