काठमाडौं, ६ चैत । संसदको बाँकी चार वर्षको अवधि नै संसद् अवरोध गर्न कांग्रेसलाई उपप्रधानमन्त्री एवं गृहमन्त्री रवि लामिछानेले चुनौती दिएका छन् ।
मंगलबार सञ्चारकर्मीसामु प्रतिक्रिया दिँदै उनले कांग्रेस दूधले नुहाएको पार्टी नभएको प्रतिक्रिया दिएका छन् । ठाडो उजुरीमा गृहमन्त्रीको राजीनामा माग्ने कांग्रेस दूधले नुहाएको पार्टी होइन भन्ने नेपाली जनताले बुझेको भन्दै उनले कांग्रेसले नैतिकताको कुरा गर्न नसुहाउने जिकिर गरे ।
लामिछानेले संसदीय समिति बनाउने र राजीनामा माग्ने अडान कायम राख्न कांग्रेसलाई चुनौतीसमेत दिए । आफूहरू काम गर्न सरकारमा गएको र त्यसको संकेत देखाइसकेको उनले बताए ।
