जनकपुरधाम, २८ फागुन । सर्लाहीको कविलासी नगरपालिका १० सलेमपुरमा एक साइकल यात्रीलाई ठक्कर दिने बसमा स्थानीयले आगजनी गरेका छन् ।
ठक्कर दिएको विरोधमा आक्रोशित यूवाहरुले ग २ ख १४४० नम्बरको बसमा आगो लगाएका छन् । मलंगवातर्फ गइरहेको बेला बसले साइकलयात्री जुगल महतोलाई ठक्कर दिएको थियो ।
घाइते महतोलाई उपचारका लागि मलंगवा लगिएको छ । घाइते महतो स्थानीय भएकाले आक्रोशित यूवाहरु बसमा आगो झोसेको र लामो समयसम्म प्रहरी समेत नपुग्दा बस जलेर पूर्णरुपमा क्षतिग्रस्त भएको छ ।
सर्लाहीका प्रहरी उपरीक्षक दयानिधि दहालले ठक्कर दिएपछि स्थानीयले बसमा आगजनी गरेको बताए ।
