काठमाडौं, १९ माघ । राज्यविरुद्धका कुनै पनि अपराधमा कसैलाई छुट दिन नसकिने उपप्रधान तथा गृहमन्त्री नारायणकाजी श्रेष्ठले बताएका छन् ।
गृह मन्त्रालय र गण्डकी प्रदेश सरकारद्वारा आयोजित ’गण्डकी प्रदेशस्तरीय सुरक्षा गोष्ठी’को शुक्रबार उद्घाटन गर्दै गृहमन्त्री श्रेष्ठले यस्तो बताएका छन् ।
‘कसैलाई पनि राज्यलाई लुट्ने छुट दिन सकिन्न । कसैलाई पनि जालसाजी गरेर ठग्ने छुट दिन सकिन्न’, उनले भने, ‘अपराधको काममा, ठगीको काममा, जालसाजीमा, लुटमा संलग्न कसैले पनि उन्मुक्ति पाउन सक्दैनन् ।
गृहमन्त्री श्रेष्ठले शक्ति केन्द्रको कोही पक्राउ परेमा अनावश्यक दबाब दिने गरेको उनले बताए । उनले कुनै पनि अपराधमा संलग्नलाई पक्राउ गर्दा दबाब दिइरहे आफूहरू दिशा बदल्न सक्ने बताए ।
‘यसप्रकारको हामीलाई दबाब भइरह्यो भने हामी हाम्रो दिशा फेर्न सक्छौँ’, उनले भने, ‘कर्मचारी र सुरक्षानिकायले आफ्नो अडानमा दृढतापूर्वक उभिनुपर्छ ।
