काठमाडौं, १८ असोज । सत्तारुढ राष्ट्रिय स्वतन्त्र पार्टी (रास्वपा) का सभापति रवि लामिछानेले प्रधानमन्त्री बालेन्द्र शाह नेतृत्वको वर्तमान सरकार नढल्ने दाबी गरेका छन्।
नेपाली कांग्रेसको १५औँ महाधिवेशन उद्घाटन समारोहलाई सम्बोधन गर्दै लामिछानेले सरकार ढल्ने चर्चा गर्नेहरू नै सरकार नढलेपछि निराश भएर ढल्ने टिप्पणी गरे।
उनले सरकार कमजोर भएको र चाँडै ढल्ने भन्दै विभिन्न समयमा हुने गरेको चर्चाप्रति व्यङ्ग्य गर्दै वर्तमान सरकार आफ्नो कार्यकाल पूरा गर्ने संकेत गरेका हुन्।
लामिछानेले यसपटक जनताले कुनै व्यक्तिलाई मात्र नभई इतिहास परिवर्तन गर्ने उद्देश्यले सरकार चयन गरेको दाबी गरे। उनले जनमतको सम्मान गर्न र त्यसको अवमूल्यन नगर्न सबैलाई आग्रह गरे।
