काठमाडौँ, १५ असोज । सरकारले सङ्घीय संसद्को चालु अधिवेशन अन्त्य गर्न राष्ट्रपतिसमक्ष सिफारिस गरेको छ।
मंगलबार बसेको मन्त्रिपरिषद् बैठकले असोज १६ गतेदेखि अधिवेशन अन्त्य गर्ने निर्णय गर्दै राष्ट्रपतिसमक्ष सिफारिस गरेको हो।
संविधानअनुसार संसद् अधिवेशन बोलाउने र अन्त्य गर्ने अधिकार मन्त्रिपरिषद्को सिफारिसमा राष्ट्रपतिमा रहने व्यवस्था छ। चालु अधिवेशन वैशाख २८ गतेदेखि सुरु भएको थियो।
प्रतिनिधिसभामा एक दर्जनभन्दा बढी विधेयक विभिन्न चरणमा विचाराधीन छन्।
