काठमाडौं, १३ असोज । जापानमा जारी २०औँ एसियाली खेलकुदअन्तर्गत पुरुष क्रिकेटको नेपाल र श्रीलङ्काबीचको क्वार्टरफाइनल खेल वर्षाका कारण रद्द भएको छ।
निसिनस्थित कोरोगी स्पोर्ट्स पार्कमा लगातार वर्षा भएपछि टससमेत हुन नसक्दा खेल रद्द गरिएको हो। आईसीसी वरीयतामा श्रीलङ्का नेपालभन्दा माथि रहेकाले श्रीलङ्का सोझै सेमिफाइनलमा पुगेको छ।
समूह चरणमा अफगानिस्तानलाई हराउँदै क्वार्टरफाइनल पुगेको नेपाल भने मैदानमा उत्रिनै नपाई प्रतियोगिताबाट बाहिरिएको छ। सेमिफाइनलमा श्रीलङ्काले भारतसँग प्रतिस्पर्धा गर्नेछ।
