काठमाडौं, ३ असोज । प्रधानमन्त्री बालेन्द्र शाहले सरकार संविधानको अक्षर र भावनाप्रति पूर्णरूपमा प्रतिबद्ध रहेको बताएका छन्।
संविधान दिवसका अवसरमा आयोजित मूल समारोहलाई सम्बोधन गर्दै उनले संविधान जतिसुकै राम्रो भए पनि त्यसको कार्यान्वयन गर्ने पक्ष इमानदार र सक्रिय नभए त्यसको प्रभावकारिता नहुने बताए।
प्रधानमन्त्री शाहले सुशासन कायम गर्न तथा भ्रष्टाचार र दण्डहीनता अन्त्य गर्न सरकारले काम गरिरहेको दाबी गरे। विकासका लागि सुशासन अनिवार्य रहेको उल्लेख गर्दै उनले प्रशासनिक संरचनालाई व्यवस्थित बनाउने र भ्रष्टाचारविरुद्ध शून्य सहनशीलताको नीति अपनाइएको बताए।
