काठमाडौं, १८ भदौ । प्रतिनिधिसभाको बैठक चलिरहेका बेला सांसद भरत खड्का अचानक आफ्नै कुर्सीबाट ढलेपछि उपचारका लागि वीर अस्पताल लगिएको छ।
बिहीबारको बैठकमा रास्वपाका सांसद सोम शर्माले बोलिरहेका समयमा खड्का एक्कासि ढलेका थिए। त्यसपछि संसद् सचिवालयको स्वास्थ्य इकाइमा प्रारम्भिक उपचार गरिएको थियो।
संसद् सचिवालयका प्रवक्ता एकराम गिरीका अनुसार सामान्य उपचारपछि खड्कालाई एम्बुलेन्समार्फत थप उपचारका लागि वीर अस्पताल पठाइएको हो। प्रारम्भिक स्वास्थ्य परीक्षणमा उनको ब्लड प्रेसर उच्च र सुगरको मात्रा कम देखिएको बताइएको छ।
