काठमाडौं, १० भदौ । बाढीबाट प्रभावित नेपालमा उद्धार तथा पुनर्निर्माणका लागि भारत, चीन र विश्व बैंकले तत्काल सहयोगको पहल थालेका छन्।
विश्व बैंकले आपत्कालीन सहयोगस्वरूप २५ अर्ब रुपैयाँसम्म उपलब्ध गराउन सकिने जानकारी नेपाल सरकारलाई दिएको छ। भारतले आवश्यक राहत सामग्रीको सूची माग्दै सहयोग पठाउने तयारी गरेको छ भने चीनले पनि तत्काल नगद सहायता उपलब्ध गराउने प्रक्रिया अघि बढाएको छ।
सरकारले छिमेकी तथा दातृ निकायको सहयोगप्रति आभार व्यक्त गर्दै सहयोग परिचालनका लागि समन्वय गरिरहेको जनाएको छ। मन्त्रिपरिषद्ले रसुवा, नुवाकोट र धादिङका प्रभावित पालिकालाई ‘विपद् संकटग्रस्त क्षेत्र’ घोषणा गरेपछि थप स्वदेशी तथा विदेशी सहयोग जुटाउने बाटो खुलेको छ।
