काठमाडौँ, २७ साउन । राष्ट्रिय स्वतन्त्र पार्टी -रास्वपा- ले आफ्ना सांसदहरूका लागि साउन २९ देखि ३१ गतेसम्म प्रशिक्षण कार्यक्रम आयोजना गर्ने भएको छ ।
संसद्को गरिमा र सांसदहरूको भूमिकालाई प्रभावकारी बनाउन ललितपुरको गोदावरीस्थित फरेस्टमा प्रशिक्षण आयोजना गर्न लागिएको सचेतक क्रान्तिशिखा धितालले जानकारी दिइन् ।
उनका अनुसार यसअघि दुईपटक प्रशिक्षण दिइसकिए पनि सांसदहरूको आवश्यकता र सुझावअनुसार तेस्रोपटक कार्यक्रम गर्न लागिएको हो ।
प्रशिक्षणमा पार्टीको नीति तथा संसद्मा प्रभावकारी भूमिका निर्वाह गर्ने विषयलाई प्राथमिकता दिइनेछ । यसअघि रास्वपाले २०८२ चैत ३–४ गते होटल टुलिप र वैशाख २६–२७ गते जावलाखेलमा सांसदहरूलाई प्रशिक्षण दिएको थियो ।
