काठमाडौं, २५ साउन । नेकपा संयोजक पुष्पकमल दाहाल -प्रचण्ड-ले राष्ट्रिय स्वतन्त्र पार्टी -रास्वपा) सभापति रवि लामिछानेले आफूले विगतमा गरेको सहयोगको ‘गुन तिर्न बाँकी’ रहेको बताएका छन् ।
सिंहदरबारमा पत्रकारहरूसँग कुरा गर्दै उनले लामिछानेको राजनीतिक परिपक्वताको प्रशंसा गर्दै आफूले संसद् र सार्वजनिक रूपमा उनको बचाउ गरेको तथा जेलमा समेत भेट्न गएको स्मरण गरे ।
प्रचण्डले रास्वपाका डीपी अर्याल र विराजभक्त श्रेष्ठसँग नियमित संवाद भइरहेको पनि बताए । वर्तमान सरकार भने राजनीतिक तथा वैचारिक दिशाविहीन रहेको टिप्पणी गर्दै उनले सरकारलाई समुद्रमा कम्पास हराएको जहाज सँग तुलना गरे ।
बालेन्द्र शाह नेतृत्वको सरकारले गठन गरेको संविधान संशोधन कार्यदलले संशोधनभन्दा संविधान पुनर्लेखनको उद्देश्य राखेको दाबी गर्दै प्रचण्डले त्यसकै कारण विपक्षी दलहरू कार्यदलबाट बाहिरिएको बताए ।
साथै, रास्वपालाई मत दिने जनतामा अहिले पश्चाताप बढ्दै गएको उनको दाबी छ ।
