काठमाडौँ, २५ साउन । प्रधानमन्त्री वालेन्द्र शाह ‘बालेन’ र नेपालका लागि चिनियाँ राजदूत झाङ माओमिङबीच सोमबार सिंहदरबारमा शिष्टाचार भेटवार्ता भएको छ ।
भेटमा नेपाल–चीन सम्बन्धलाई थप सुदृढ बनाउने, सहयोग विस्तार गर्ने तथा विकास साझेदारी बढाउने विषयमा छलफल भएको प्रधानमन्त्रीको सचिवालयले जनाएको छ ।
प्रधानमन्त्री शाहले चीनसँगको ऐतिहासिक सम्बन्धलाई थप प्रगाढ बनाउँदै साझा हितका क्षेत्रमा सहकार्य गर्नुपर्नेमा जोड दिएका थिए ।
राजदूत माओमिङले प्रधानमन्त्री शाहलाई शुभकामना दिँदै द्विपक्षीय सम्बन्ध र सहकार्यलाई थप मजबुत बनाउने प्रतिबद्धता जनाएका छन् ।
प्रधानमन्त्री शाहले सोमबार नै भारतीय राजदूतसँग पनि भेटवार्ता गरेका छन् भने मंगलबार अमेरिकी दूतावासका उच्च अधिकारीसँग भेट गर्ने कार्यक्रम रहेको छ ।
