काठमाडौँ, २५ साउन । नेपाली कांग्रेस केन्द्रीय कार्यसमितिको बैठक सोमबार दिउँसो १ बजे पुनः बस्ने भएको छ । आइतबार सानेपामा बसेको बैठकमा सबै एजेन्डामा छलफल नसकिएपछि बैठक पुनः बोलाइएको हो ।
बैठकमा कांग्रेसको १५औँ महाधिवेशनको तयारी, नियमावली तथा निर्वाचन निर्देशिका, सदस्यता अद्यावधिक, महाधिवेशन तयारी समिति र विधान मस्यौदा समिति गठनबारे छलफल भइरहेको छ ।
त्यस्तै, तराई–मधेशका पछिल्ला घटनाक्रम, सामाजिक सद्भाव, सरकारका १०० दिनपछिका गतिविधि, संसद् तथा संसद् बाहिर प्रमुख प्रतिपक्षीका रूपमा कांग्रेसको भूमिका र प्रदेश सरकारमा विकसित राजनीतिक परिस्थितिबारे पनि छलफल हुने जनाइएको छ ।
