सुनसरी, २३ साउन । सुनसरीको बराहक्षेत्र नगरपालिका–१ स्थित बराहक्षेत्र-चतरा सडकबाट प्रहरीले ४१८ किलो गाँजासहित चार जनालाई पक्राउ गरेको छ ।
बराहक्षेत्रबाट चतरातर्फ आउँदै गरेको कार र मोटरसाइकल जाँच गर्ने क्रममा २२ वटा पोकामा राखिएको गाँजा बरामद भएको जिल्ला प्रहरी कार्यालय सुनसरीले जनाएको छ ।
पक्राउ पर्नेमा धरानका थमन राई, ओखलढुङ्गाकी जीवनी राई तथा मोरङका अमर कामत र शंकर चौधरी छन् ।
उनीहरूलाई महेन्द्रनगरस्थित इलाका प्रहरी कार्यालयको हिरासतमा राखिएको प्रहरीले जनाएको छ ।
