काठमाडौँ, २२ साउन । प्रतिनिधिसभाको शुक्रबारको बैठकमा पनि विपक्षी दलका सांसदहरूले प्रधानमन्त्री बालेन्द्र शाहको अभिव्यक्तिको विरोध गर्दै बैठक अवरुद्ध गरेका छन् ।
सभामुख डोलप्रसाद अर्यालले बैठक सुरु गर्नेबित्तिकै नेपाली कांग्रेस, नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीका सांसदहरू आ–आफ्नो स्थानबाट उठेर विरोध जनाएका हुन् ।
प्रधानमन्त्री शाहले गत जेठ १७ गते प्रतिनिधिसभाको बैठकमा नेपालले भारतको भूमि पनि अतिक्रमण गरेको आशयको अभिव्यक्ति दिएको भन्दै विपक्षी दलहरूले निरन्तर आपत्ति जनाउँदै आएका छन् ।
सोही विषयलाई लिएर उनीहरूले संसद् बैठकमा उठेर विरोध गर्दै आएका हुन् ।
