काठमाडौं, २२ साउन । सार्वजनिक खरिद अनुगमन कार्यालयले ठेक्का सम्झौताअनुसार समयमै काम सम्पन्न नगरेको भन्दै सात निर्माण कम्पनीलाई कालो सूचीमा राखेको छ ।
प्रधानमन्त्री कार्यालय मातहतको उक्त कार्यालयले विभिन्न निकायको सिफारिसका आधारमा सार्वजनिक खरिद ऐन, २०६३ अनुसार डेढ वर्षदेखि तीन वर्षसम्मका लागि कम्पनीहरूलाई कालो सूचीमा राखेको जनाएको छ ।
कालोसूचीमा परेका कम्पनीहरूले उक्त अवधिभर कुनै पनि सार्वजनिक खरिद प्रक्रियामा सहभागी हुन पाउने छैनन् ।
