काठमाडौं, २१ साउन । राष्ट्रिय परीक्षा बोर्डले कक्षा १२ को मौका -पूरक) परीक्षाको नतिजा बिहीबार सार्वजनिक गरेको छ ।
बोर्डका अनुसार पूरक परीक्षामा सहभागी भएका ७१ हजार ३१० परीक्षार्थीमध्ये ५७ हजार ८९७ जनाले सबै विषयमा ग्रेड प्राप्त गरेका छन् ।
यो कुल सहभागीमध्ये ८१.१९ प्रतिशत हो । यस्तै, तीन जना परीक्षार्थीको परीक्षाफल रद्द गरिएको बोर्डले जनाएको छ । परीक्षार्थीहरूले आफ्नो नतिजा राष्ट्रिय परीक्षा बोर्डको वेबसाइट, एसएमएस तथा आईभीआर सेवामार्फत हेर्न सक्नेछन् ।
उल्लेखनीय छ, कक्षा १२ को मौका -पूरक) परीक्षा साउन २ र ३ गते सञ्चालन गरिएको थियो ।
