काठमाडौं, २१ साउन । गृहमन्त्री सुधन गुरुङले सरकारले प्रश्नको जवाफ दिनुभन्दा अघि नै काम सम्पन्न गर्ने दाबी गरेका छन् ।
बिहीबार राष्ट्रिय सभामा मनसुनजन्य विपद् व्यवस्थापन सम्बन्धी ध्यानाकर्षण प्रस्तावमाथि उठेका प्रश्नको जवाफ दिँदै उनले संसद्को मार्गदर्शनअनुसार सरकार निरन्तर सक्रिय रहेको बताए ।
जवाफ दिन ढिलाइ भएको स्वीकार गर्दै गृहमन्त्री गुरुङले ढिलो भएको जवाफभन्दा सरकारको काम अघि बढिसकेको उल्लेख गरे ।
यसअघि प्रस्तावक सांसद कमला पन्तले मनसुन अन्त्यतिर पुग्दा छलफल हुन लागेको भन्दै व्यङ्ग्य गरेकी थिइन् ।
