काठमाडौं, २० साउन । नेपाल कम्युनिस्ट पार्टी -माओवादी) का महासचिव नेत्रविक्रम चन्द विप्लवले वर्तमान सरकारको दिनगन्ती सुरु भएको दाबी गरेका छन् ।
बुधबार आयोजित पत्रकार सम्मेलनमा उनले सरकारप्रति जनअसन्तुष्टि बढ्दै गएको र जनअपेक्षा पूरा गर्न नसकेको आरोप लगाए ।
उनले देशको आर्थिक अवस्था कमजोर बन्दै गएको, विदेशी ऋण, उत्पादनमा आएको गिरावट, सुकुम्बासी, मिटरब्याज तथा लघुवित्त पीडितका समस्या समाधानमा सरकार असफल भएको बताए ।
यी समस्या तत्काल समाधान नभए नयाँ आन्दोलन सुरु गर्ने चेतावनी पनि उनले दिए । साथै, कम्युनिस्ट एकता पुरानै शैलीमा पार्टी फुटाउने वा थप्ने प्रक्रियाबाट सम्भव नहुने धारणा व्यक्त गरे ।
