काठमाडौं, १९ साउन । गृहमन्त्री सुधन गुरुङ ले सुनसरीसहित मधेशका विभिन्न जिल्लामा उत्पन्न तनाव र धार्मिक सद्भाव कायम गर्ने विषयमा विभिन्न धार्मिक संघ–संस्थाका प्रतिनिधि तथा अगुवाहरूसँग छलफल गरेका छन्।
मंगलबार गृह मन्त्रालयमा भएको छलफलमा हिन्दुवादी संघ-संस्थाका प्रतिनिधिसँगको बैठकपछि मुस्लिम समुदायका अगुवाहरूसँग पनि छुट्टै संवाद गरिएको थियो। बैठकमा गृह मन्त्रालयका सचिव राजकुमार श्रेष्ठ तथा मन्त्रालयका उच्च अधिकारीहरूको समेत सहभागिता रहेको थियो।
गृह मन्त्रालयका अनुसार छलफलमा मधेश क्षेत्रमा देखिएको पछिल्लो अवस्थाको समीक्षा गर्दै शान्ति, सामाजिक सद्भाव र धार्मिक सहिष्णुता कायम राख्ने उपायबारे विचारविमर्श गरिएको छ।
