जनकपुर, १९ साउन । महोत्तरीको गौशाला नगरपालिकामा मंगलबार बिहान विद्यालय बस दुर्घटना हुँदा पाँच विद्यार्थीसहित ६ जना घाइते भएका छन् ।
गौशाला–९ डुमरवानास्थित भित्री सडकमा इमली बजारबाट गौशालातर्फ जाँदै गरेको मोर्डन सारदा शिक्षा मदन बोर्डिङ स्कुलको बा१क ६१२९ नम्बरको बस अनियन्त्रित भई उखुबारीमा खसेको थियो ।
दुर्घटनामा चालक विजय भुजेलसहित पाँच विद्यार्थी घाइते भएका छन् । घाइतेहरूको उद्धार गरी बीके अस्पताल गौशाला तथा स्थानीय मेडिकलमा उपचारका लागि पठाइएको छ । घटनाबारे प्रहरीले थप अनुसन्धान गरिरहेको जनाएको छ ।
