काठमाडौं, १८ साउन । नेपाल शिक्षक महासंघले सरकारसँग भएको पूर्वसहमति कार्यान्वयन नभए भदौदेखि पुनः आन्दोलनमा उत्रिने चेतावनी दिएको छ ।
साउन १६ र १७ गते बसेको परिषद् बैठकले शिक्षा ऐन र विगतका सहमति कार्यान्वयन नभए थप सशक्त आन्दोलन गर्ने निर्णय गरेको हो ।
महासंघका अध्यक्ष लक्ष्मीकिशोर सुवेदीले सरकारले नौँ बुँदे सहमति कार्यान्वयन नगरे विगतभन्दा ठूलो सहभागितासहित सडक आन्दोलन गरिने बताए ।
शिक्षकहरूले २०८१ चैतमा २९ दिन आन्दोलन गरेका थिए भने २०८२ वैशाखमा सरकारसँग सहमति भए पनि अझै कार्यान्वयन नभएको उनीहरूको आरोप छ ।
