काठमाडौं, १८ साउन । विभिन्न १५ बुँदे माग पूरा गर्न दबाब दिँदै आन्दोलनरत नर्सहरूले सोमबार वीर अस्पताल अगाडि प्रदर्शन गरेका छन् ।
नर्सिङ क्षेत्र सुधारको माग गर्दै नर्स ज्योति रानाभाटले थालेको आमरण अनशन पाँचौँ दिनमा पुगेको छ । प्रदर्शनकारीहरूले न्यूनतम पारिश्रमिक सुनिश्चित गर्न, श्रमशोषण अन्त्य गर्न र नर्सिङ सुधारको स्पष्ट रोडम्याप ल्याउन माग गरेका छन् ।
सरकारले विगतमा गरेका सहमति र प्रतिबद्धता कार्यान्वयन नभएको भन्दै नर्सहरूले आन्दोलनलाई थप सशक्त बनाएका छन् ।
