जनकपुर, १६ साउन । जनकपुरमा सरकार र आन्दोलनरत हिन्दुवादी मोर्चाबीच दुई चरणको वार्तापछि सहमति भएको छ ।
धनुषाका सहायक प्रमुख जिल्ला अधिकारी भूदेव झाले १३ बुँदे मागपत्रमा सहमति जुटेको जानकारी दिए । वार्तामा हिन्दू राष्ट्रको मागसहित विभिन्न विषय उठाइएका थिए ।
हिन्दू राष्ट्रसम्बन्धी विषयमा थप छलफल गर्न सरकारलाई तीन महिनाको समय दिने सहमति भएको जनाइएको छ ।
सुनसरी घटनापछि मधेशमा उत्पन्न तनाव अन्त्य गर्दै शान्ति, सद्भाव र सहिष्णुता कायम गर्ने उद्देश्यले गृहमन्त्री सुधन गुरुङ, मधेश प्रदेश सरकार, स्थानीय सरकार र आन्दोलनरत पक्षबीच वार्ता भएको थियो ।
