जनकपुर, १६ साउन । गृहमन्त्री सुधन गुरुङको उपस्थितिमा सरकार र हिन्दु सम्राट सेना तथा अन्य हिन्दुवादी सङ्गठनबीच धनुषामा भएको वार्ता तत्काल कुनै निष्कर्षमा पुग्न सकेन ।
करिब दुई घण्टा लामो छलफलपछि दुवै पक्षले वार्ता स्थगित गर्दै पुनः छलफल गर्ने सहमति गरेका छन् । जिल्ला प्रशासन कार्यालय धनुषाको अधिकृत संगममा भएको द्विपक्षीय वार्तामा सरकारको टोली, हिन्दु सम्राट सेना तथा विभिन्न हिन्दुवादी सङ्गठनका प्रतिनिधिहरू सहभागी थिए ।
आन्दोलनका माग, शान्ति–सुरक्षा अवस्था र पछिल्लो घटनाक्रमबारे विस्तृत छलफल भए पनि तत्काल सहमति जुट्न सकेन । वार्तापछि सञ्चारकर्मीसँग संक्षिप्त प्रतिक्रिया दिँदै गृहमन्त्री सुधन गुरुङले वार्ता टुटेको नभई केही समयका लागि स्थगित गरिएको स्पष्ट पारे ।
उनले वार्ता सकिएको होइन, अझै बाँकी छ । अहिले एक घण्टाको ब्रेक लिएका छौँ, त्यसपछि फेरि बसेर छलफललाई निरन्तरता दिन्छौँ, भने सरकार र आन्दोलनरत पक्षबीच सहमति खोज्ने प्रयास जारी रहेकाले दुवै पक्ष पुनः वार्तामा बस्ने तयारीमा रहेका छन् ।
