जनकपुर, १६ साउन । धनुषामा सामाजिक सद्भाव, धार्मिक सहिष्णुता तथा शान्तिको सन्देश प्रवाह गर्ने उद्देश्यले शनिबार जनकपुरमा सर्वपक्षीय शान्ति सद्भाव ¥याली आयोजना गरिएको छ ।
जिल्ला प्रशासन कार्यालय धनुषा र जनकपुर उपमहानगरपालिकाको संयुक्त आयोजनामा सम्पन्न ¥यालीमा विभिन्न राजनीतिक दलका प्रतिनिधि, जनप्रतिनिधि, नागरिक समाज, धार्मिक अगुवा, उद्योगी–व्यवसायी तथा सर्वसाधारणको सहभागिता रहेको थियो ।
¥यालीका सहभागीहरूले पछिल्ला घटनाक्रमपछि समाजमा आपसी विश्वास, सद्भाव र भाइचारालाई थप मजबुत बनाउन सबै पक्ष संयमित हुनुपर्नेमा जोड दिएका थिए ।
उनीहरूले कुनै पनि अफवाह वा उक्साहटमा नलागी शान्ति, सामाजिक एकता र धार्मिक सहिष्णुता कायम राख्न सबैलाई आग्रह गरे । जनकपुरका विभिन्न स्थानको परिक्रमा गरेको ¥यालीमा सामाजिक सद्भाव कायम गरौं भन्ने सन्देशसहितका ब्यानर तथा प्लेकार्ड प्रदर्शन गरिएको थियो ।
आयोजकका अनुसार जिल्लामा शान्ति–सुरक्षा, सामाजिक सद्भाव र आपसी विश्वासलाई थप सुदृढ बनाउने उद्देश्यले सर्वपक्षीय सहभागितामा उक्त कार्यक्रम आयोजना गरिएको हो ।
कार्यक्रममा सहभागीहरूले कुनै पनि मतभेदलाई संवाद र सहकार्यबाट समाधान गर्दै सामाजिक एकता कायम राख्न सबै पक्ष जिम्मेवार बन्नुपर्ने धारणा व्यक्त गरेका थिए ।
