जनकपुर, १५ साउन । महोत्तरीको अल्लीपट्टी क्षेत्रमा शुक्रबार बिहान केहीबेर आन्दोलनकारीहरूले सडक अवरुद्ध गर्दै प्रदर्शन गरेका छन् । प्रदर्शनका कारण सडकमा केही समय सवारी आवागमन प्रभावित भएको थियो ।
यता धनुषाको जनकपुरका विभिन्न क्षेत्रमा भने प्रशासनले जारी गरेको कफ्र्यु आदेश अझै कायम रहेको छ । सुरक्षा अवस्था मध्यनजर गर्दै नेपाल प्रहरी, सशस्त्र प्रहरी र नेपाली सेनाले संवेदनशील क्षेत्रमा सुरक्षा व्यवस्था कडा बनाएका छन् ।
स्थानीय प्रशासनले सर्वसाधारणलाई कफ्र्यु आदेशको पूर्ण पालना गर्न तथा अफवाहमा विश्वास नगर्न आग्रह गरेको छ ।
पछिल्लो सुरक्षा अवस्थालाई ध्यानमा राख्दै जनजीवन क्रमशः प्रभावित भइरहेको छ भने सुरक्षा निकायले स्थिति सामान्य बनाउन निगरानी र गस्तीलाई तीव्र बनाएको जनाएको छ ।
