काठमाडौं, १४ साउन । नेपाली कम्युनिष्ट पार्टी -नेकपा) का संयोजक पुष्पकमल दाहाल ‘प्रचण्ड’ले मुलुक संकटमा रहेका बेला प्रधानमन्त्री बालेन्द्र शाहले नेतृत्वदायी भूमिका निर्वाह गर्न नसकेको आरोप लगाएका छन् ।
बिहीबार प्रतिनिधिसभाको विशेष समयमा बोल्दै उनले सुनसरीलगायत क्षेत्रमा सामाजिक सद्भाव खलबलिएको अवस्थामा प्रधानमन्त्रीले राष्ट्रलाई सम्बोधन गर्नुको सट्टा पन्छिएको टिप्पणी गरे ।
प्रचण्डले सर्वदलीय बैठकमा समेत प्रधानमन्त्री र गृहमन्त्री अनुपस्थित रहेको भन्दै असन्तुष्टि जनाए। उनले सरकारको नीति तथा कार्यक्रम र गणतन्त्र दिवसको सम्बोधनसमेत प्रधानमन्त्रीले आफैं नगरेको उल्लेख गर्दै यस्ता गतिविधिले लोकतन्त्र र मुलुकको हित नगर्ने बताए ।
