काठमाडौं, १४ साउन । दुई सातापछि बसेको प्रतिनिधिसभा बैठकमा प्रधानमन्त्री बालेन्द्र शाह -बालेन- र गृहमन्त्री सुधन गुरुङ अनुपस्थित भएपछि विपक्षी सांसदहरूले उनीहरूको खोजी गरेका छन् ।
संसद् बैठक सुरु भएकै बेला प्रधानमन्त्रीले राष्ट्रिय सुरक्षा समिति बैठक बोलाएका कारण दुवै त्यसमा सहभागी भएका थिए ।
नेपाली कांग्रेसकी सांसद बासना थापाले एक नेपाली युवाको मृत्यु र पछिल्लो घटनाप्रति सरकार संवेदनशील नभएको आरोप लगाउँदै प्रधानमन्त्रीको मौनता तोड्न आग्रह गरिन्।
एमाले, नेपाली कम्युनिस्ट पार्टी, श्रम संस्कृति पार्टी, राप्रपासहितका दलले पनि प्रधानमन्त्री र गृहमन्त्रीसँग संसद्मा जवाफ मागेका छन् ।
कांग्रेस सांसद रेखा कुमारी यादवले गृहमन्त्रीको अनुपस्थितिमाथि प्रश्न उठाएकी छन् ।
