काठमाडौं, १४ साउन । अर्थमन्त्री डा. स्वर्णिम वाग्लेले आन्दोलनरत लघुवित्त पीडितसँग संवाद गर्न वार्ता समिति गठन गरेका छन् ।
बिहीबार मन्त्रीस्तरीय निर्णयबाट अर्थ मन्त्रालयका सहसचिव महेश आचार्यको संयोजकत्वमा समिति गठन गरिएको हो ।
समितिमा कानुन मन्त्रालयका सहसचिव विनोदकुमार भट्टराई, गृह मन्त्रालयका सहसचिव सुरेश पन्थी र नेपाल राष्ट्र बैंकका कार्यकारी निर्देशक रामु पौडेल सदस्य रहेका छन् भने अर्थ मन्त्रालयका उपसचिव बोलराज आचार्य सदस्य सचिव छन् ।
समितिलाई आजै पीडितसँग वार्ता सुरु गर्न निर्देशन दिइएको छ भने पहिलो बैठक अर्थ मन्त्रालयमा बस्दैछ ।
