काठमाडौं, १३ साउन । नेपाली कम्युनिस्ट पार्टी -नेकपा)का संयोजक तथा पूर्वप्रधानमन्त्री पुष्पकमल दाहाल ‘प्रचण्ड’ले सुनसरी घटनाप्रति गम्भीर चिन्ता व्यक्त गर्दै सबै राजनीतिक दल, सरकार र सरोकारवाला पक्षलाई सामाजिक सद्भाव, शान्ति र आपसी विश्वास कायम राख्न एकजुट हुन आग्रह गरेका छन् ।
रास्वपा सभापति रवि लामिछानेको आह्वानमा सिंहदरबारमा बसेको सर्वदलीय बैठकमा प्रचण्डले अहिले राजनीतिक तिक्तता बढाउने नभई राष्ट्रिय जिम्मेवारी प्रदर्शन गर्ने समय भएको बताए ।
उनले बल प्रयोगले दीर्घकालीन समाधान नदिने भन्दै संवाद, सहमति र राजनीतिक समझदारीमार्फत समस्या समाधान गर्नुपर्नेमा जोड दिए ।
प्रचण्डले सरकारले सबै दललाई विश्वासमा लिएर तत्काल सर्वदलीय संवाद अघि बढाउनुपर्ने आवश्यकता औंल्याउँदै घटनास्थलमा बाह्य तत्त्वसमेत सक्रिय हुन सक्ने भएकाले सबै पक्षलाई उच्च सतर्कता अपनाउन आग्रह गरे ।
